Забур жырлары  150

Жаратқан Иемізді ән-күймен мадақтаңдар!

Мадақтаңдар Құдайды киелі үйінде,

Мадақтаңдар Құдіреттіні көкте де!

Мадақтаңдар Оны керемет істері үшін,

Мадақтаңдар Оны зор ұлылығымен!

Мадақтаңдар Оны үніменен кернейдің,

Мадақтаңдар Оны жетігенмен, домбырамен!

Мадақтаңдар Оны даңғырамен, билеріңмен,

Мадақтаңдар Оны қобызбен, сыбызғымен!

Мадақтаңдар Оны сылдырмақтың сыңғырымен,

Мадақтаңдар Оны дауылпаздың даңғырымен!

Жаны барлар түгелдей мадақтасын Иемізді!

Лайым мадақтаңдар Жаратқан Иені!

а  Яки: Мадақтаңдар Оны Өзінің құдіреті көрінетін (әуе) кеңістігінде (18:2; Жар 1:6-8; Иш 40:22).

ә  Яки: би билеп (149:3).

б  Яки: даңғыраның даңғырымен (Мыс 15:20-21).

в  Яки: Тіршіліктің лебі барлар (Жар 2:7).