Забур жырлары  10

Жаратқан Иенің шексіз әділдігі мен ұлылығы

(Ән-күйдің жетекшісіне арналған Дәуіттің жыры.)

Ұдайы паналаймын Жаратқан Иені,

Қалайша қорқытпақсыңдар былай деп мені:

«Кәне, кетші ұшып тауыңа құс секілді!»

Сол зұлымдар садақ иіп, жебе тартуда,

Тасадан дайын тұр адалдарды атуға.

Әділ жан не істейді, заңды негіз қираса?

Ал Жаратқан отырады көктегі тағында,

Өзінің киелі ғибадатханасында,

Иеміз бақылайды барлығын да,

Сын көзбен қарайды адам баласына.

Жаратқан Ие әділдерді тексереді,

Зұлым да зорлықшыл жандарды Ол жек көреді,

Залымдарға жаудырады жанған көмірді

Әрі жазалау үшін лаулаған күкіртті,

Қоса жібереді күйдіріп өртейтін желді.

Иеміз әділ, Ол әділдікті сүйеді,

Шыншыл жандар Оның бет-жүзін көреді.