— Құдайда билік бар, барша жұрт Оны терең қастерлеуі керек. Ол көктің биігінде тәртіп орнатады.

Оның көктегі періштелер топтарын

кім санай алар еді? Ол өз жарығын кімнің үстіне түсірмейді?

Сонда адам баласы Құдайдың алдында қалайша әділ бола алады? Әйелден туған пенде қалайша таза бола алар еді?

Тіпті ай да Оның алдында жеткілікті жарық емес, жұлдыздар да айқын емес!

Салыстырсақ, пенде жай жер құртына ұқсайды, адам баласы тек күйе құрты сияқты.