Заңды қайталау  1
Пайғамбардың өсиетінің бастамасы
1
Бұл — Мұса пайғамбардың бүкіл Исраил халқына Иордан өзенінің шығыс жағындағы иен далада айтқан сөздері. Халық сол кезде Суфқа
а
қарама-қарсы Араба деген елсіз алқапта
ә
Паран (атты иен дала) мен Топел, Лабан, Хасирот
б
және Дизахабтың арасында көшіп-қонып жүрді.
2
Хориб (яғни Синай) тауынан
в
Сейірдің таулы жеріне
г
апаратын жолмен жүргенде Қадеш-Барниге
ғ
дейін небәрі он бір күндік жол болатын.
3
Ал енді Мұса Жаратқан Иенің исраилдіктерге айт деп бұйырған мына сөздерін (олар Мысыр елінен көшіп шыққаннан кейінгі) қырқыншы жылы, он бірінші айдың бірінші күні жеткізді.
4
Бұл Мұсаның аморлықтардың Хешебонда орналасқан Сихон патшасын,
д
әрі Башан өлкесінің Аштарот пен Едірей қалаларында орналасқан Ог патшасын Едірейдегі шайқаста жеңіп, құртқанынан кейін болды.
е
5
Енді халық Иорданның шығыс жағындағы Моаб еліне тоқтаған кезде Мұса оларға мына тәлімін
ж
түсіндіріп айта бастады:
Хориб тауынан Қанаханға баруға берілген бұйрық
6
— Құдай Иеміз Хориб тауында бізге былай деген болатын:
з
«Осы таудың маңында жеткілікті тұрдыңдар.
7
Енді қостарыңды жинап, жолға шығыңдар. Аморлықтардың таулы жеріне және барлық көршілес елдеріне барып кіріңдер: Иордан алқабына, таулы аймаққа, батыстағы төменгі қыраттарға, оңтүстіктегі Негев даласына және теңіздің
и
жағасына, демек, бүкіл Қанахан елі мен Ливанға әрі (солтүстік-шығыстағы) үлкен өзен — Евфрат өзеніне
к
дейін барыңдар!
8
Мынаны біліп алыңдар: Мен сендерге осы елді табыстап отырмын. Оған кіріп, оны иемденіп алыңдар! Мен, Жаратқан Ие, оны түп аталарың Ыбырайым, Ысқақ, Жақыпқа және олардың ұрпақтарына беруге уәде еткенмін».
қ
Басшылар мен төрешілердің тағайындалуы
9
Сол кезде мен сендерге
л
былай дегенмін: «Сендерді жалғыз өзім бастап алып жүре алмаймын.
10
Өз Құдайларың Жаратқан Ие сендерді молынан көбейтіп, қазір аспандағы жұлдыздардай сансыз көп болып кеттіңдер.
11
Енді ата-бабаларымыз да сиынған Құдай Жаратқан Ие өздеріңді тағы да мың есе көбейтіп, Өзі уәде еткендей жарылқай көрсін.
12
Бірақ мен жалғыз өзім қалай сендердің қиын мәселелерің мен дау-жанжалдарыңның жүгін көтермекпін?
13
Өз руларыңның арасынан ақылды, парасатты әрі беделді бірсыпыра адамды алып келіңдер. Оларды өздеріңе басшы етіп тағайындайын!»
14
Сендер: «Сіз істеуге бұйырған осы іс дұрыс», — деп жауап бердіңдер.
15
Сонда мен руларыңның басшыларын — ақылды да беделді адамдарды руларыңа мыңбасы, жүзбасы, елубасы, онбасы және басқарушыларың етіп тағайындадым.
м
16
Сол уақытта осы тағайындалған билеріңе мына тапсырмаларды бердім: «Исраилдіктер арасында және болашақта исраилдіктермен бірге елде тұратын жат жұрттықтар арасында пайда болып отыратын дауларды тыңдап, әділ шешім шығарыңдар!
17
Үкім шығарғанда ешкімнің бет-жүзіне қарамай, үлкенді-кішілі бәріне бірдей құлақ түріп, сот жүргізіңдер! Ешкімнен қаймықпаңдар, себебі үкім шығаруды сендерге Құдайдың Өзі бұйырған. Егер сендерге бір мәселе тым қиын болса, оны менің алдыма әкеліңдер, сонда оған назар аударамын».
18
Сол кезде мен өздерің орындауға тиісті істеріңнің бәрі туралы нұсқау бергенмін.
Уәделі елге жіберілген барлаушылар
19
Содан соң біз Жаратқан Иенің берген бұйрығы бойынша Хориб тауынан шығып, өздерің көрген ұлан-ғайыр да үрейлі иен дала арқылы аморлықтардың таулы жеріне қарай бет алдық. Осылай жүре отырып Қадеш-Барниге жеттік.
20
Мен сендерге тағы былай дегенмін: «Құдайымыз Жаратқан Ие бізге табыстамақ аморлықтардың таулы жеріне жеттіңдер.
21
Біліп алыңдар: Құдайларың Жаратқан Ие сендерге осы елді ұсынып отыр. Ол, ата-бабаларыңның да Құдай Иесі, өздеріңе уәде еткеніне сәйкес, енді сол елге өрлеп барып, оны иемденіп алыңдар. Еш нәрседен уайымдап, қорқушы болмаңдар!»
22
Сонда сендердің барлығың маған келіп: «Алдымыздан барлаушылар жіберейік. Олар елді барлап, жүретін жолдарымыз бен кезігетін қалаларымыз туралы мағлұмат алып келсін», — дедіңдер.
23
Мен бұл ұсыныстарыңды құп көріп, араларыңнан әр рудан бір-бірден, барлығы он екі адамды таңдап алдым.
24
Олар жолға шығып, таулы жерге көтерілді. Ешқол аңғарына жеткенде, оны барлап шолып шықты.
25
Сол елдің жемістерінен біразын алып, қайта оралғанда: «Құдайымыз Жаратқан Ие бізге жақсы ел табыстап отыр!» — деген хабарды жеткізді.
н
Халықтың Жаратқан Иеге қарсы шығып, жазалануы
26
Алайда сендер
о
өз Құдайларың Жаратқан Иенің бұйрығына қарсы шығып, сол елге өрлеп барудан бас тарттыңдар.
27
Сонда қостарыңда наразылық білдіріп: «Жаратқан Ие бізді жек көргендіктен аморлықтардың қолына түсіріп, құрту үшін Мысыр елінен алып шықты!
28
Енді қайда барсақ екен? Барлап келген бауырларымыз әкелген мағлұматтарымен зәремізді ұшырды. Сол елдің халқы бізден мықты да бойшаң, қалалары үлкен, қамалдары аспанмен таласқандай биік екен! Анақтың алып ұрпақтарын да сонда көріпті!» — дедіңдер.
29
Сонда Мен сендерге былай дедім: «Олардан үрейленіп қорықпаңдар!
30
Алдарыңда жүріп, сендерді жетелейтін — өз Құдайларың Жаратқан Ие ғой! Ол Мысыр елінде көз алдарыңда сендер үшін қалай шайқасқан болса, қазір де солай шайқасатын болады.
31
Әкесінің ұлын көтеріп алып жүргені сияқты, Құдай Иеміздің де сендерді иен далада жүрген жолдарыңның барлығында қамқорлап келгенін өздерің көрдіңдер. Сендерді осы жерге бастап алып келген де Сол».
32
Алайда сендер Құдай Иеміздің істегендеріне қарамастан Оған сенім артпадыңдар!
33
Ал Ол сапарларыңның кезінде түнде жайнаған отпен, күндіз бағана тәрізді бұлтпен алдарыңда жүріп, тұрақтайтын жерлерің мен жүретін жолдарыңды нұсқап отырды.
34
Сендердің наразылық білдірген дауыстарыңды естігенде Жаратқан Ие қаһарланып, былай деп ант етті:
35
«Мен ата-бабаларыңа беруге ант еткен шұрайлы елді осы зұлым ұрпақтың ешбір адамы көрмейді!
36
Тек Ефунне ұлы Халеп қана сол елді көреді. Оның аяқ басқан жерін өзіне және кейінгі ұрпақтарына табыстаймын. Себебі ол Маған, Жаратқан Иеге, толығымен мойынсұнды».
37
Кейінірек Жаратқан Ие сендерге бола маған да ашуланып:
ө
«Сен де сол елге кірмейсің!
38
Ал көмекшің Нұн ұлы Ешуа сол елге кіреді. Оны жігерлендіріп отыр, оның басшылығымен исраилдіктер елді иемденетін болады.
39
Сендер жауға олжа болады деген балаларың
п
— әлі де жақсы мен жаманды айыра алатын жасқа жете қоймаған нәрестелерің, міне, солар елге кіретін болады. Мен оларға елді табыстаймын, олар оны иемденіп алады!
40
Ал сендер артқа бұрылып, Қамысты теңізге
р
апаратын жолмен иен далаға бет алыңдар!» — деп бұйырды.
41
Бірақ сендер былай деп жауап бердіңдер:
— Иә, біз Жаратқан Иеге Құдайға қарсы күнә жасадық. Енді Құдайымыз Жаратқан Иенің бұйырғанындай жоғары өрлеп барып, шайқасамыз! — Сол таулы жерге көтеріліп барып, шабуыл жасау оңай екен деп ойлап, барлық ер адамдарың қару-жарақтарыңды асынып алдыңдар.
42
Ал Жаратқан Ие маған былай деді:
— Оларға мынаны айт: Жоғары өрлеп барып, шабуыл жасамасын! Себебі Мен сендермен бірге болмаймын. Әйтпесе жауларыңнан жеңіліп күйрейсіңдер.
с
43
Мен сендерге мұны жеткізгенмен, еш тыңдамадыңдар. Жаратқан Иенің берген бұйрығына қарсы шығып, менмендікпен таулы жерге өрлеп бардыңдар.
44
Сонда сол тауларды мекендеген аморлықтар алдарыңнан шыға келді де, араның үйіріндей арттарыңнан қуа отырып, сендерді Сейір тауынан төмендеп, Хормаға жеткенге дейінгі бүкіл жолдың бойында талқандап қырып тастады.
т
45
Содан сендер қайтып келіп, Жаратқан Иенің алдында жыладыңдар. Бірақ Ол жалыныштарыңды тыңдап, құлағын түрген жоқ.
46
Осылайша Қадештің маңында ұзақ уақытқа тұрып қалдыңдар.
у

а  Немесе: Қызыл (не Қамысты) теңізге.

ә  2:8.

б  Рул 11:35; 12:16.

в  Мыс 3:1; 17:6; 19:11,17-20; 24:12-16.

г  1:44; 2:4; Жар 32:3.

ғ  9:23; Рул 13:26; 32:8.

д  2:26-35; Рул 21:21-26; Еш 12:4; 13:12.

е  Рул 21:33-35.

ж  Яки: осы Таурат заңын.

з  Рул 10:13.

и  Яғни Жерорта теңізінің.

к  11:24; Еш 1:4; Шеж1 5:9; 18:3.

қ  Жар 12:7; 26:3; 28:13; Мыс 33:1.

л  Яки: сендердің әке-шешелеріңе (не ата-әжелеріңе). (Мұса пайғамбар исраилдіктердің бұрынғы және сол кездегі буындарына біртұтас халық ретінде қарады.)

м  Мыс 18:21,25.

н  Рул 13:21-27.

о  Яғни әке-шешелерің (1:9-дағы түсініктемені қараңыз).

ө  Рул 20:2-4,8-12; 27:13-14.

п  Рул 14:3,31.

р  Яки: Қызыл теңізге.

с  Рул 14:42.

т  Осы Сейір тауы Сейір, яғни Едом, атты таулы аймақтан басқа жерде, Кирият-Иғарымның батыс жағында, ал Хорма содан жетпіс шақырымдай оңтүстік бағытында орналасқан (Рул 14:45; 21:3; Еш 15:9-10).

у  Рул 20:1.